Accessibility links

Ақтөбе облысында төрт адамға терроризм айыбы тағылды


Ақтөбе облысының картадағы орны (Көрнекі сурет).

Ақтөбе облысының төрт тұрғынына терроризм айыбы тағылып, екі айға қамауға алынды. Бұл туралы Азаттыққа Ақтөбе облыстық сотының баспасөз қызметі хабарлады.

Соттың мәліметінше, Ұлттық қауіпсіздік комитетінің Ақтөбе облыстық департаменті төрт азаматқа Қылмыстық кодекстің 256-бабының 2-бөлімі ("Терроризмдi насихаттау немесе терроризм актiсiн жасауға жария түрде шақыру") бойынша айып тағып отыр. Ақтөбе қалалық №2 соты 25 қараша күні күдіктілерді екі айға қамауға санкция берген.

Күдіктілер Е.Сарқұлов, А.Мырзакәрімов пен А. Дәулетияров 1991 жылы, төртінші күдікті А. Сауанаев 1998 жылы туған.

Сот өзге мәліметтерді тергеу мүддесіне орай жарияламай отыр.

  • 16x9 Image

    Жаңагүл ЖҮРСІН

    Жаңагүл Жүрсін - Азаттықтың Ақтөбе облысындағы тілшісі. Қ.Жұбанов атындағы Ақтөбе университетін бітірген. Еңбек жолын Ақтөбе облыстық телевидениесінен бастап, әр жылдары осы өңірдегі түрлі БАҚ-та тілші, редактор, бас редактор қызметін атқарған. Азаттықпен 2011 жылдан бері әріптес.

Пікірлерді көріңіз (1)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG