Accessibility links

ITUC кәсіподақ белсенділерін босатуға және қудаламауға шақырды


Әмин Елеусінов, Oil Construction Company кәсіподағының сотталған жетекшісі.

Халықаралық кәсіподақтар ұйымы конфедерациясы (ITUC) Қазақстан билігін сотталған Oil Construction Company кәсіподағының жетекшілері Әмин Елеусінов пен Нұрбек Құшақбаевты босатуға және Қазақстанның тәуелсіз кәсіподақтар конфедерациясының (ҚТКК) басшысы Лариса Харьковаға қарсы қылмыстық істі тоқтатуға шақырды. Ұйым Twitter-дегі парақшасында белсенділерді босату туралы хэштегі бар жазба жазып, белсенділердің суреттерін жариялады. Конфедерацияның бұл бастамасын Адам және кәсіподақ ұйымдарының құқығы комитеті де қолдап отыр.

2017 жылы 7 сәуірде Астана қаласының Алматы аудандық 2-соты Нұрбек Құшақбаевты "заңсыз ереуілді жалғастыруға арандатты" деген айыппен екі жарым жылға, Әмин Елеусіновті - "кәсіподақтың сеніп тапсырған қаржысын жымқырды" және "полицейлерге тіл тигізді, бағынбады және оларға күш қолданды" деген айыптармен екі жылға соттаған.

ВИДЕО: Нұрбек Құшақбаевты 2,5 жылға соттады (07.04.2017)

Шымкенттің Еңбекші аудандық соты 25 шілдеде билік шешімімен жабылған ҚТКК-нің бұрынғы жетекшісі Лариса Харькованы "бөтеннің сеніп тапсырған мүлкін алаяқтықпен әрі аса ірі көлемде жымқырған" деп айыптап, бас бостандығын төрт жылға шектеу және мүлкін тәркілеу туралы үкім шығарған.

Сотталушылар үкіммен келіспейді. Құқық қорғаушылар бұл істерден саяси астар көреді.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

Пікіріңіз

Оқырман пікірлері

AzattyqTV

Аудиоподкаст

XS
SM
MD
LG