Accessibility links

"Әділ сөз": Сөз бостандығына қатысты 27 адам сотқа тартылды


Ғалия Әженова, "Әділ сөз" сөз бостандығын қорғау ұйымының өкілі. Алматы, 11 желтоқсан 2017 жыл.

Қазақстанда биыл сөз бостандығына қатысты 46 бап бойынша 27 адам қылмыстық жауапқа тартылды деп хабарлады дүйсенбіде баспасөз конференциясын өткізген "Әділ сөз" сөз бостандығын қорғау ұйымы.

"Әділ сөз" өкілі Ғалия Әженованың Азаттыққа хабарлауынша, сөз бостандығын шектеуге қатысты қылмыстық істер "жала жабу", "тіл тигізу", "билік өкіліне тіл тигізу", "жеке өмірі туралы мәліметті заңсыз жинау", "көпе-көрінеу жалған ақпарат тарату", "әлеуметтік, ұлттық, рулық, нәсілдік, таптық немесе діни алауыздықты қоздыру", "жиын, митинг, пикет, шеру немесе демонстрация өткізу немесе ұйымдастыру тәртібін бұзу" және "қылмыстық жолмен алынған қаржыны немесе басқа да мүліктерді заңдастыру" баптары бойынша қозғалған. 18 іс бойынша сот айыптау үкімін шығарған. Сотқа тартылғандар арасында сегіз журналист бар.

Азаттық тілшісінің хабарлауынша, конференцияда ұйым БАҚ туралы заңға енгізілетін түзетулер мен өзгерістер жобасына қатысты карикатурашылар арасында жариялаған конкурстың қорытындысын жариялады. Конкурс қорытындысы бойынша бірінші орын Николай Веровечкинге, екінші орын ташкенттік карикатурашы Николай Свиркенкоға, үшінші орын алматылық Игорь Кийкога берілді.

  • 16x9 Image

    Аян ҚАЛМҰРАТ

     

    Аян Қалмұрат - Азаттықтың Алматы бюросында 2017 жылдан бері тілші. Тұран университетін журналистика мамандығы бойынша тәмамдаған. Бұрындары 7kun.kz ақпарат агенттігі мен "Жас Алаш" республикалық қоғамдық-саяси газетінде жұмыс істеген. 

    Автормен оның Facebook парақшасында да пікірлесуіңізге болады.

AzattyqTV

Денис Тен өліміне қатысы екі күдікті ұсталды
please wait

No media source currently available

0:00 0:02:09 0:00

Фотогалерея

XS
SM
MD
LG