Қырғызстанның Air Manas әуе компаниясы 23 желтоқсаннан бастап тұрақты Бішкек - Ташкент - Бішкек бағытымен ұшатын рейсті іске қосты. Әзірге бұл рейс аптасына екі рет: сәрсенбі және сенбі күндері қатынайды.
Бұған дейін екі ел астанасына Өзбекстанның Uzbekistan Airways компаниясының ұшақтары қатынап келген.
Қырғызстан транспорт министрлігінің хабарлауынша, 2018 жылдан бастап Ош - Ташкент - Ош бағытында да әуе қатынасы қайтадан жолға қойылмақшы.
13 желтоқсан күні Ташкентте Қырғызстан және Өзбекстан президенттері кездесіп, көлік қатынасы бойынша да келісімдерге қол жеткізілген. Өзбекстан президенті Шавкат Мирзияев Қырғызстан президенті Сооронбай Жээнбековпен кездесуден соң екі еле арасында автобус қатынасы ашылатынын, ал Бішкек - Ташкент арасындағы әуе қатынасын ұлғайтылатындығын айтқан.
Бішкек - Ташкент арасына ұшақ бір сағаттай ұшады.
