Accessibility links

ФСБ Санкт-Петербургтегі жарылысқа күдіктіні ұстаған


Жарылыс болған "Перекресток" супермаркетінің алдында жүрген полиция қызметкері. Санкт-Петербург, 27 желтоқсан 2017 жыл.

Ресей федералдық қауіпсіздік қызметі (ФСБ) Санкт-Петербур қаласындағы сауда орталығында болған жарылысқа негізгі күдіктіні ұстаған. Бұл туралы ФСБ-ның қоғамдық байланыс орталығы хабарлады.

Бұған дейін ДАИШ ["Ислам мемлекеті" экстремистік тобының арабша қысқарған атауы - ред.] Санкт-Петербургтегі "Перекресток" супермаркетінде сәрсенбінде болған жарылысқа жауапкершілікті алған. Бірақ Ресей Федерция кеңесі өкілдері экстремистік топтың мәлімдемесін "өз-өзін жарнамалау" деп атаған.

Ресейлік баспасөз құралдарының хабарлауынша, ұсталған адам - Санкт-Петербург қаласының 35 жастағы тұрғыны Дмитрии Лукьяненко. Күдіктіден Ресей тергеу комитеті жауап алып жатыр.

Желтоқсанның 27-і күні кешке Калинин алаңындағы "Перекресток" супермаркетінің қол жүктерін сақтайтын бөлімінде қолдан жасалған, қуаты 200 грамм тротилді құрайтын бомба жарылған. Оқиғадан 18 адам зардап шеккен, олардың 11-і ауруханаға түскен.

Кейін жергілікті "Фонтанка" сайты жарылыс болардан жарты сағаттай бұрын дүкенге кірген ер адамның рюкзагын сонда қалдырып, өзі шығып кеткені жазылып қалған видеоны жариялаған.

Ресей президенті Владимир Путин Санкт-Петербургте супермаркетте болған жарылысты теракт деп атаған. Ресей тергеу комитеті "жалпыға қауіпті әдіспен екі немесе одан да көп адамға қастандық жасау" бабы бойынша қылмыстық іс қозғаған.

AzattyqTV

Қазақстан неге көп тексереді?
please wait

No media source currently available

0:00 0:04:22 0:00
XS
SM
MD
LG