Accessibility links

Қырғызстан парламентінің депутаты Исаев сотталды


Қырғызстан парламентінің депутаты Қанатбек Исаевтың сот залынан түсірілген суреті. Бішкек, 4 қаңтар 2018 жыл.

Бішкектің Первомай аудандық соты парламенттегі «Қырғызстан» фракциясының депутаты Қанатбек Исаевты коррупция айыбымен 12 жылға соттады. Исаев муниципалдық базар мен автостанция салуға қатысты екі эпизод бойынша айыпты деп танылған. Үкім бойынша, депутат жазасын қатаң режимдегі колонияда өтеуі тиіс. Сот оның мүлкін тәркілеп, мемлекеттік қызмет атқару құқығынан үш жылға айыру туралы үкім кесіп, басқа екі айып бойынша ақтады.

Судья Әбдіразақ Боромбаевтың айтуынша, Уақытша үкіметтің 2010 шығарған декретіне сай, Қанатбек Исаев жазасының өтелмеген мерзімінің төрттен бірі қысқарады. Исаевтың адвокаты Сергей Слесарев сот үкіміне апелляциялық шағым түсіретінін мәлімдеді. Бұған дейін прокурорлар соттан Исаевты 20 жылға соттауды сұраған.

Қанатбек Исаев 2009-2010 жылдары Тоқмақ қаласының мэрі болып тұрғанында жер телімдерін заңсыз сатты деп айыпталып, ол бойынша 2017 жылдың мамырында «коррупция» бабымен қылмыстық іс қозғалған.

Былтыр 30 қыркүйекте Қанатбек Исаевтың үстінен «билікті күшпен баспы алуға дайындалды» деген күдікпен екінші іс қозғалған. Первомай аудандық соты 2 қазанда Исаевты тергеу аяқталғанға дейін қамауға алған, кейін қамау мерзімі ұзартылған.

Қанатбек Исаевтың жақтастары оның «саяси себеппен» қудаланып отырғанын айтады.

AzattyqTV

Күре жол мал базарға айналатын күн
please wait

No media source currently available

0:00 0:02:37 0:00

Фотогалерея

XS
SM
MD
LG