Accessibility links

Дәрігер: Өртенген автобуста екі адамды күйік шалған


Ақтөбе облысында қалааралық жолда өртенген жолаушылар автобусы. 18 қаңтар 2018 жыл. Сурет Қазақстан ішкі істер министрлігінің төтенше жағдайлар комитетінен алынды.

Ақтөбе облысында өртенген автобуста тірі қалған бес адамның екеуінің қолын күйік шалған деп хабарлады Азаттыққа Ырғыз аудандық ауруханасының бас дәрігері Жасқайрат Сүлейменов.

- Екі өзбек азаматының қолы күйген. Оларға сол жерде төтенше жағдайлар департаментінің қызметкерлері көмек көрсетіп, қолдарын таңып берген. Қалған үш азамат - автобус жүргізушілері еш зардап шекпеген, дін аман екен. Маған белгілісі - ол азаматтардың жасы 35-40 жас аралығында, - деді бас дәрігер.

Бұған дейін 18 қаңтар күні Ақтөбе облысының Ырғыз ауданына қарасты Қалыбай ауылынан 10 километрде Шымкент - Самара жолында "Икарус" жолаушылар автобусы өртеніп, 52 адам қаза тапқаны хабарланған. Ішкі істер министрлігі төтенше жағдайлар комитетінің баспасөз хатшысы Руслан Иманқұловтың хабарлауынша, автобуста 55 жолаушы мен 2 жүргізуші болған. Олардың қай елдің азаматы екені анықталып жатыр.

Оқиға орнына құтқарушылар мен жедел жәрдем жәрдем қызметі, психологтар барған.

AzattyqTV

AzatNews 22.05.2018
please wait
Embed

No media source currently available

0:00 0:15:35 0:00

Фотогалерея

XS
SM
MD
LG