Accessibility links

Навальный сайлауға қатыстырмағанына тағы да шағымданды


Алексей Навальный, ресейлік оппозиционер.

Ресейлік оппозиционер Алексей Навальный Жоғарғы сот президиумына Орталық сайлау комиссиясының (ОСК) өзін президент сайлауына кандидат ретінде тіркеуден бас тартуына қарсы шағымданды. Бұл туралы саясаткер мүддесін қорғайтын заңгер Иван Жданов «Интерфакс» агенттігіне хабарлаған. Жоғарғы сот агенттікке шағым түскенін және тіркелгенін растағанымен, оның қашан қаралатыны әлі белгісіз екенін айтқан.

25 желтоқсанда ОСК Навальныйды «Кировлес» ісі бойынша сотталғандықтан кандидат ретінде тіркеуден бас тартқан. 30 желтоқсанда Ресей Жоғарғы соты оппозиционердің ОСК шешімін заңсыз деп тану туралы шағымын қанағаттандырудан бас тартқан. 6 қаңтарда апелляциялық инстанция бұл шешімді құптаған.

Алексей Навальныйдың өкілдері саясаткерді сайлауға қатыстырмауды заңсыз деп біледі. Навальныйдың өзі Twitter-де сайлауға бойкот жариялап, сайлаушыларды шеруге шығуға шақырған.

«Біз бәсекесіз өтетін сайлауды мойындамаймыз» деп жазды саясаткер. Бұдан соң Кремль Навальныйдың бойкот жариялауға шақыруының қаншалықты заңды екенін тексеру қажетін мәлімдеген.

28 қаңтарда бүкілресейлік сайлаушылар ереуілі өтеді деп жоспарланған.

AzattyqTV

78 жастағы атлет
please wait

No media source currently available

0:00 0:01:33 0:00
Аққоян Ырсалиев

78 жастағы атлет

Фотогалерея

XS
SM
MD
LG