Accessibility links

Әлемде Холокост құрбандарын еске алды


Нацистік Аушвиц-Биркенау (Освенцим) концлагері болған жердегі тұтқындардың суреттері мен киімдері.

Қаңтардың 27-і күні Израиль, АҚШ, Польша, Германия және басқа да елдерде Холокост құрбандарын аза тұту шаралары өтті. Бұл күні жұртшылық нацизм құрбандарын еске алып, олардың рухына тағзым етті.

АҚШ президенті Дональд Трамптың мәлімдемесінде болашақта адамзатқа қарсы қылмыстың қайталануына жол бермеу үшін әр жаңа буын Холокост қасыретінен сабақ алуы тиіс делінген. Холокост кезінде алты миллион евреймен бірге нацистік концлагерьлерде сығандар, гомосексуалистер және өзге де азшылық өкілдерінің көзін жойған делінген мәлімдемеде.

АҚШ президентінің жұбайы Мелания Трамп Вашингтондағы Холокост мемориалдық музейінде болды.

АҚШ мемлекеттік хатшысы Рекс Тиллерсон сенбі күні Польша астанасында Варшава геттосы қаһармандарына қойылған мемориалға барды. "Екінші дүниежүзілік соғыс жылдары құрылған Батыс елдерінің одағы мұндай қасырет енді қайталанбайтындай етіп қауіпсіздікті қамтамасыз ету үшін міндеттемені мойнына алды" деп мәлімдеген ол сөзінің соңын "Енді ешқашан қайталанбасы үшін" деп аяқтады.

Екінші дүниежүзілік соғыс кезінде, 1945 жылы 27 қаңтарда Қызыл армия Польша жеріндегі нацистік Аушвиц-Биркенау (Освенцим) концлагерінен тұтқындарды азат еткен. Кейін 27 қаңтар – Холокост құрбандарын еске алу халықаралық күні болып белгіленген.

Фотогалерея. Нацистік концлагерь тұтқындары

AzattyqTV

AzatNews 16.11.2018
please wait
Embed

No media source currently available

0:00 0:14:38 0:00

Фотогалерея

XS
SM
MD
LG