Accessibility links

БАҚ: Фидель Кастроның ұлы өзіне қол салды


Фидель Кастро Диас-Баларт, Куба көсемі Федиль Кастроның үлкен ұлы.

Кубаның мемлекеттік ақпарат құралдары елдің бұрынғы басшысы Фидель Кастроның үлкен ұлы Фидель Кастро Диас-Баларттың өзіне қол салғанын хабарлады. Ресми Granma газетінің 1 ақпанда хабарлауынша, «соңғы бірнеше айда қатты күйзеліске түсіп, дәрігерлерге қаралған Диас-Баларт 1 ақпан күні таңертең өзіне қол салды».

68 жастағы Фидель Кастро Диас-Баларт есімі әкесінің есімімен бірдей болғанына байланысты Фиделито деген атпен белгілі болған. Ресми мәлімет бойынша, Фидель Кастроның 11 баласы болған.

Мемлекеттік БАҚ ақпаратына қарағанда, кіші Фидель Кастро Диас-Баларт Куба мемлекеттік кеңесінің ғылыми кеңесшісі болған және Куба ғылым академиясының вице-президенті қызметін атқарған. Анасы Мирта Диас-Баларт-и-Гутиеррес Фидель Кастроның бірінші әйелі болған.

Үлкен Фидель Кастро Кубаны ондаған жыл басқарған. Ол 2016 жылы 25 қарашада 90 жасында қайтыс болған.

AzattyqTV

AzatNews 16.11.2018
please wait
Embed

No media source currently available

0:00 0:14:38 0:00

Фотогалерея

XS
SM
MD
LG