Accessibility links

Судья «Дат» газеті мен оны сотқа берген дәрігерді бітімге шақырды


Ермұрат Бапи, «Дат» газетінің бас оқырманы, журналист

5 ақпан күні Алматы қаласының Жетісу аудандық сотында «Дат» газетінің үстінен қазақ онкология және радиология институтының директоры Диляра Кайдарованың түсірген талап арызы бойынша алдын ала сот тыңдауы өтті. Сот процесіне журналистерді қатыстырмады. «Дат» газетінің бас оқырманы Ермұрат Бапидың Азаттыққа айтуынша, судья әзірге екі тарапты келісімге келуіне уақыт берді. Дильяра Қайдарова талап арызында «ар-намысыма тиді» деп «Дат» газетінен он миллион теңге өндіртуді талап еткен.

Ермұрат Бапидың сөзінше, газетте былтыр күзде «Больничный беспредел» деген айдармен жарияланған «Раковое преследование доктора» дейтін мақаланың тақырыбы және кейбір сөйлемдері Қайдароваға ұнамаған. Журналист Ермұрат Бапи аталған мақала қазақ онкология және радиология институтының бұрынғы қызметкері Шынар Талаеваны қорғау тұрғысында жазылғанын, «ешкімнің ар-намысына тимегенін» айтады. Сот жалғасатын болса «Дат» газетінен өзге дәрігер Шынар Талаева да жауапкер деп танылуы мүмкін. Ермұрат Бапидың айтуынша, Диляра Кайдарова осыған дейін редакцияға хат жолдап, «ар-намысына тигені үшін 10 миллион теңгені өз еркімен беруді» талап еткен. Ермұрат Бапи қаржылай талап қойылмаса бітімге келісіп қалуы мүмкін екенін айтады.

«Дат» газетінің бас оқырманы бітімгерлік шартта қандай да бір материалдық талап қойылатын болса оған келіспейтінін, себебі редакцияның оны төлеуге мүмкіндігі жоғын айтады.

Азаттық тілшісі алдын ала тыңдаудан кейін талап арыз беруші Диляра Кайдарованың адвокатынан пікір сұраған, бірақ ол бас тартты.

  • 16x9 Image

    Асылхан МАМАШҰЛЫ

    1973 жылы 22 сәуірде дүниеге келген. 1994 жылы Қорқыт ата атындағы Қызылорда пединститутын бітірген. 1997-2000 жылдары әл-Фараби атындағы Қазақ ұлттық университетінің аспирантурасында оқыған. "Қазақ энциклопедиясы" баспасында (2001-2007), республикалық "Ана тілі" газетінде (2007-2009) , "ABDI-press" орталығында (2009-2010) жұмыс істеген. 2011 жылдан Азаттық радиосының тілшісі.

    Тарихи, саяси мәселелер тақырыбында жазады, белгілі тұлғалардың саяси портреттерін жасайды. Автормен оның Facebook парақшасында да пікірлесуіңізге болады.

XS
SM
MD
LG