Accessibility links

«Абу Даби плазаны» салып жатқан жұмысшылар наразылық танытты


«Абу Даби плаза» кешенін салып жатқан жұмысшылар «Нұр Отан» партиясы филиалының алдына жиналып тұр. Астана, 5 ақпан 2018 жыл.

Астанада 5 ақпан күні «Абу Даби плаза» ғимаратын салып жатқан ондаған құрылысшы өздерінің жұмыстан «заңсыз шығарылғанын» айтып, наразылық танытты деп хабарлайды Азаттық тілшісі. Жұмысшылар мәселелерін шешіп беруді сұрап «Нұр Отан» партиясына барды.

«Абу Даби палазаны» салып жатқан мердігерлердің бірі «Каз инжиниринг» фирмасы жұмысшыларының сөзінше, басшылық жұмыс аяқталғандықтан келісім-шарт алдын-ала бұзылатынын айтқан. Олар жұмыстан босатылатындарын алдын ала ескертпеген басшылықтың әрекетін заңға қайшы деп есептейді.

Мақсат Ахметов есімді құрылысшының айтуынша, басшылық өздерін «Еңбек кодексінің» 49-бабы бойынша, «өз еркімен» жұмыстан кету туралы құжатқа қол қоюға мәжбүрлеп жатыр.

- Негізі 51-бап бойынша қысқарту керек. Қысқарту деген қағаз болса, келісіп қол қоямыз. Өйткені ол бойынша өтемақы төленеді. Ал олар өтемақы төлемеу үшін «өз еркімен кетті» дегізіп қол қойдырып алайын деп тұр, - деді Мақсат Ахметов.

Құрылысшылардың есебінше, жұмыстан шығарғандары үшін жұмыс беруші екі айлық жалақы көлемінде өтемақы төлеуі тиіс. «Нұр Отан» партиясы Астана қалалық бөлімі бастығының орынбасары Владислав Сергеев жұмысшылар мәселесін зерттейтінін айтты.

Азаттық тілшісі құрылысшыларды жұмыстан шығарды делінген «Каз инжиниринг» фирмасына барды. Бірақ, мердігер компанияның өкілдерінен мәселеге қатысты пікір алу мүмкін болмады.

Жоспар бойынша, «Абу Даби палаза» кешені Орта Азиядағы ең биік ғимарат болуы тиіс. Құрылысы 2016 жылы аяқталады деген ғимарат әлі пайдалануға берілген жоқ.

  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

AzattyqTV

AzatNews 21.05.2018
please wait
Embed

No media source currently available

0:00 0:14:42 0:00

Фотогалерея

XS
SM
MD
LG