Accessibility links

Оңтүстік Кореяда Пхеньянға қарсы наразылық шарасы өтті


Солтүстік Корея саясатына қарсы наразылық шарасында Ким Чен Ынның портретін ұстап тұрған адам. Каннын, 8 ақпан 2018 жыл.

Оңтүстік Кореяның Каннын қаласында 8 ақпан күні бір топ адам Солтүстік Корея саясатына қарсы наразылық өткізді. Бұл туралы Азаттық тілшісі хабарлайды.

Наразылыққа шыққандар Солтүстік Корея туын таптап, осы елдің лидері Ким Чен Ынның портреттерін жыртып, өртеді.

8 ақпанда Каннын мәдени орталығында Солтүстік Корея музыкалық оркестрінің олимпиада алдындағы концерті болды. Наразылық шарасы осы концерт алдында өтті. Қарсылыққа шыққандар Солтүстік Кореядегі режимді сынап, олардың олимпиадаға қатысуына қарсы шықты.

Қарсылық болған Каннында биылғы қысқы олимпиаданың коньки, керлинг, мәнерлеп сырғанау және шайбалы хоккей жарыстары өтеді.

8 ақпанда Солтүстік Корея Пхеньянда әскери шеру өткізді. Бұл парадқа осы елдің лидері Ким Чен Ын қатысты.

Солтүстік Кореядағы әскери шеру. Пхеньян. 8 ақпан 2018 жыл.
Солтүстік Кореядағы әскери шеру. Пхеньян. 8 ақпан 2018 жыл.

Желтоқсанда екі Корея билігінің кездесуінен кейін Ким Чен Ын ел спортшыларының олимпиадаға қатысатынын мәлімдеген. Екі Корея спортшылары ашылу салтанатында бір ту астында шығады. Ал шайбалы хоккейден әйелдер арасындағы жарысқа біріккен Корея құрамасы қатысады.

Пхенчхан олимпиадасы 9-25 ақпанда өтеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері. 2012 жылдан бері "Азаттық" радиосының тілшісі. Сочи, Рио, Пхенчхан олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

AzatNews 24.05.2018
please wait
Embed

No media source currently available

0:00 0:17:38 0:00
XS
SM
MD
LG