Accessibility links

Израиль Сирияның әуе қорғанысына қуатты соққы берді


Сирия әскері атып түсірген израильдік F-16 жойғыш ұшағының қалдығы. 10 ақпан, 2018 жыл.

Сенбі күні Сирия әскері Израильдің F-16 жойғыш ұшағын атып түсірген соң, Израиль Сирияның әуе қорғанысы жүйесін бомбалады. Израиль генералы Томера Бараның айтуынша, бұл - 1982 жылғы Ливан соғысынан кейінгі ең ірі соққы. Әскери операцияға қатысқан ұшақтардың барлығы да қазір базаға аман-есен қайтып оралған.

Мұның алдында Израиль әуе күштері Сирия жеріндегі "Иранға тиесілі" деген аумақты бомбалаған еді. Бұл әрекет Сирия аумағынан ұшырылып ұсталған Иран дронына жауап соққы ретінде хабарланған. Израиль өздері атқан нысандарда "дрондарды басқару жүйесі" орналасқан деп есептейді. Осы әуе соққысы кезінде Сирия әуе қорғанысы жүйесінен Израиль ұшақтарын атқылаған болатын. Сонда атып түсірілген жойғыш ұшақтардың бірі Израиль солтүстігіне құлап, ұшқыш катапульт жүйесін іске қосып аман қалған қалған. Дегенмен ол жараланып соңынан госпиталға жеткізілген.

Израиль 2006 жылғы Иран қолдайтын "Хезболла" тобы Ливан аспанында атып түсірген тікұшақтан кейін осы жойғыш ұшағынан айрылып отыр. Сонда "Хезболла" оғынан экипаждың бес мүшесі қаза тапқан болатын.

Жойғыш ұшаққа қатысты соңғы оқиға туралы Сирия жағы әзірге әрқандай бір мәлімдеме жасамады.

Пікіріңіз

Оқырман пікірлері

AzattyqTV

Ресей полициясы билікті сынайтын "Путинская правда" газетін тәркіледі
please wait

No media source currently available

0:00 0:02:06 0:00
XS
SM
MD
LG