Accessibility links

Ұлықбек Есдәулет Жазушылар одағының төрағасы болып сайланды


Ұлықбек Есдәулет, ақын, Қазақстан Жазушылар одағының жаңа төрағасы.

Ақын Ұлықбек Есдәулет Қазақстан Жазушылар одағының төрағасы болып сайланды деп хабарлады Азаттық тілшісі. Жаңа төраға Жазушылар одағының Алматыда өтіп жатқан XV құрылтайында сайланды.

Құрылтай таңертеңгі сағат 10-да басталған. Ұлықбек Есдәулетті төрағалыққа жазушы Төлен Әбдік ұсынды. Құрылтайда сөйлеген одақ мүшелерінің біразы Ұлықбек Есдәулеттің кандидатурасын қолдады. Төрағалыққа Есдәулеттен басқа кандидат ұсынылмады.

Жазушы Қабдеш Жұмаділов "Кім болса да, ары таза адам болсын, Ұлықбекті қолдаймын" деді. Ұлықбек Есдәулетті ұсынып, қолдағандар "Оған еркіндік берейік, өз командасын жинасын" десті.

Жазушылар Одағын ұзақ жыл басқарған Нұрлан Оразалинге құрылтайда шапан жабылды. Құрылтай басталғанда баяндама жасаған Нұрлан Оразалин төрағағалыққа түспейтінін, ол туралы президент Нұрсұлтан Назарбаевқа ескерткенін айтқан.

  • 16x9 Image

    Асылхан МАМАШҰЛЫ

    1973 жылы 22 сәуірде дүниеге келген. 1994 жылы Қорқыт ата атындағы Қызылорда пединститутын бітірген. 1997-2000 жылдары әл-Фараби атындағы Қазақ ұлттық университетінің аспирантурасында оқыған. "Қазақ энциклопедиясы" баспасында (2001-2007), республикалық "Ана тілі" газетінде (2007-2009) , "ABDI-press" орталығында (2009-2010) жұмыс істеген. 2011 жылдан Азаттық радиосының тілшісі.

    Тарихи, саяси мәселелер тақырыбында жазады, белгілі тұлғалардың саяси портреттерін жасайды. Автормен оның Facebook парақшасында да пікірлесуіңізге болады.

XS
SM
MD
LG