Accessibility links

Ақмола облысында ондаған адам тамақтан уланды


Ақмола облысының картадағы орны (Көрнекі сурет).
Ақмола облысының картадағы орны (Көрнекі сурет).

Ақмола облысында аста 58 адам тамақтан уланды деп хабарлады облыстық қоғамдық денсаулық сақтау департаментіне сілтеген жергілікті ақпарат агенттіктері.

Оқиға Шортанды кентінде 6 наурыз күні болған. Кафеде асқа жиналған кісілерге бір күн бұрын пісірілген ет тартылған. Астан соң 58 адам тамақтан уланып, дәрігерге жүгінген. Олардың 15-і ауруханаға жатқызылған, 43-і үйінде емделіп жатыр.

Бұл оқиға бойынша қоғамдық денсаулық сақтау департаменті аурудың себептерін анықтау үшін эпидемиологиялық тексеру жүргізген. Тексеру нәтижесінде піскен еттің санитарлық талапқа сай сақталмағаны анықталған. Асқа 150 адам жиналған.

XS
SM
MD
LG