Accessibility links

Қазақстан паралимпиадада алтын алды


Александр Колядин қысқы паралимпиада ойындарына қатысып жатқан сәт.

Пхенчханда өтіп жатқан қысқы паралимпиадада қазақстандық Александр Колядин 1,5 шақырымдық шаңғы жарысында (классикалық әдіc) алтын алды. Күмісті жапониялық Йошихира Нитта, қоланы канадалық Марк Арендс иеленді.

Бұл - Қазақстанның қысқы паралимпиадад алған алғашқы алтыны. 1994 жылы Лиллехаммерде (Норвегия) өткен паралимпиадада қазақстандық Любовь Воробьева шаңғы жарысында қола алған. Одан кейінгі паралимпиадада Қазақстан спортшылары медаль иеленген жоқ.

Қазір Қазақстан Пхенчхан паралимиадасында жалпы есепте бір алтынмен 13-орында тұр. Жарыс 18 наурызда аяқталады.

Пікірлерді көріңіз (2)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG