Accessibility links

Бірнеше белсендіге "ҚДТ-ны қолдамау" туралы ескерту жасалды


Асхат Шайғұмаров, оралдық белсенді.

Қазақстанда бірнеше белсендіге тыйым салынған "Қазақстанның демократиялық таңдауы" ұйымын қолдамау туралы ескерту жасалды. Атырау тұрғыны Әлібек Мұсаұлының Азаттыққа айтуынша, бүгін прокуратура ҚДТ-ны қолдамау туралы өзіне ескерту жасаған.

- Олар маған 11 наруызда Facebook-те бір жазбаны бөліскенімді көрсетіп отыр. Мен бұл кезде ұйымның әлі экстремистік деп танылмағанын айттым. "Бұл ұйымды қолдайсың ба, қолдамайсың ба? Олар жайлы не ойлайсың? Сол туралы түсініктеме жазып бер" деді. Мен жазудан бас тартым, - деді Әлібек Мұсалы.

Мұнан соң тұрғынды учаскеден босатқан. Дәл осындай ескерту оралдық белсенді Асқар Шайғұмаров, алматылық белсенді Құрал Медеуов, құқық қорғаушы Бақытжан Төреғожинаға жасалған. Ал Астана қаласының тұрғыны Майгүл Садықованы ұйымға қатысты қозғалған қылмыстық іс бойынша тергеуге шақырған. Садықованың Фейсбуктағы парақшасында жарияланған полицияға шақыру құжатындағы мәліметтер бойынша, қылмыстық іс "Қазақстанның демократиялық таңдауы" ұйымына қатысты Telegram желісінде ашылған топ жұмысымен байланысты.

Қазақстан билігі осы аптада Астана соты шетелде қуғында жүрген бұрынғы банкир Мұхтар Әблязов құрған "Қазақстанның демократиялық таңдауы" қозғалысын экстремистік ұйым деп танып, ел аумағында қызметіне тыйым салғанын жариялаған.

Қазақстан бас прокуратурасы 13 наурызда Қазақстанның бірнеше өңірінде ҚДТ белсенділеріне қатысты іс қозғалғанын хабарлаған.

15 наурызда Алматыда "Қазақстанның демократиялық таңдауы" қозғалысына қаржылай қолдау көрсетті" деген айыппен Ақмарал Тобылова есімді әйелді үйқамаққа алынған.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

AzattyqTV

AzatNews 22.05.2018
please wait
Embed

No media source currently available

0:00 0:15:35 0:00

Фотогалерея

XS
SM
MD
LG