Accessibility links

Израиль 2007 жылы сириялық атом реакторын жойғанын мойындады


Сирияда 2007 жылы ықтимал ядролық реакторға Израильдің әуе соққысын бергені жайлы 2018 жылғы наурыздың 20-сы күні таратылған фотосуреттер

Израиль әскерилері 2007 жылы Сириядағы ядролық реакторды жойғандарын алғаш рет ресми түрде мойындады. Генерал-лейтенант Гади Эйзенко аталған әуе соққысы Израильге төнген елеулі қатерді жоюмен бірге өзгелерге жолдаған "хабарлама" болатын деп мәлімдеді. Израильдің арнайы операция өткізгені туралы жасаған мәлімдемесін кейбіреулер Сириядағы күштерін еселеп жатқан Иранға емеурінмен жасалған ескерту деп бағалайды.

Израиль Иранның тұрақты әскері Сирияда, әсіресе Израиль шекарасында тақау аудандарда орнығу қаупі барын ескертеді. Өткен айда Израиль өз "әуе кеңістігін бұзған" ирандық дрон аппаратын атып түсірген.

"2007 жылы ядролық реакторға жасалған әуе шабуыл туралы хабарлама Израиль мемлекеті өз өміріне қатер төндіретін ешқандай мүмкіндікке жол бермейтінін білдіреді. 2007 жылы біз жолдаған хабарлама солай болатын және ол жақын және алыс болашақта да солай болып қалады", - деп мәлімдеген генерал-лейтенант Гади Эйзенко.

Израиль Сирияға қарсы әуе соққысын жасағаны туралы жариялап, оны әлгіндей себептермен ақтамас бұрын Израиль премьер-министрі Биньямин Нетаньяхудың АҚШ пен халықаралық қауымдастықты Ресеймен қосылып Сирия президенті Башар Асадтың жақын одақтасы болып отырған Иранға қарсы қатаңдау шаралар қолдануға шақырып бірнеше мәрте мәлімдемелер жасаған.

Нетаньяху өз сөзінде Израиль Иранның ядролық қару жасауына немесе Сирияда Израильдің қауіпсіздігіне қатер төндіретін зымыран зауыттарын тұрғызуына, болмаса Ливандағы ираншыл Хезболла шииттік тобына озық үлгідегі қару-жарақ беруіне "қазір де, он жылдан кейін де, ешқашан да" мүмкіндік бермейді деп мәлімдеген.

Сирияда жеті жыл бойы жалғасып жатқан азамат соғысы барысында Израиль 100-ден аса рет әуеден соққы берген. Олардың көбі Сирияда Асад күштерімен бірге соғыс іс-қимылдарына қатысып жатқан ираншыл Хезболла тобына арналған күдікті қару-жарақты жеткізбекші болған қарсы жасалған деп айтылады.

AzattyqTV

АҚШ және Ресей (СССР) лидерлері саммиттері
please wait

No media source currently available

0:00 0:03:23 0:00
АҚШ пен Ресей

Лидерлер саммиті

XS
SM
MD
LG