Accessibility links

Құсмұрын түрмесінде төрт тұтқын қайтыс болған


Көрнекі сурет

Қостанай облысы Құсмұрын кентіндегі колонияда сот үкімі бойынша жазасын өтеп жатқан төрт азамат уланып қайтыс болып, тағы төртеуі зардап шеккен деп хабарлады жергілікті басылымдар. Қазақстан Ішкі істер министрлігінің Қылмыстық-атқару жүйесі комитеті баспасөз қызметі таратқан ақпаратта төтенше оқиғаның наурыздың 20-сы УК-161/4 орташа қауіпсіз мекемесінде тіркелгені айтылған.

"Сотталғандардың бір тобы кешкі мезгілде колонияның өндірістік аймағында орналасқан жұмыс орнында құрамында спирт бар химиялық зат (646-еріткіш) тұтынып, қатты уланып қалған", - делінген ақпаратта.

Әулиекөл аудандық орталық ауруханасына жеткізілген сегіз адамның төртеуі қайтыс болған. Реанимация бөліміне жатқызылған тағы төрт адамның біреуін дәрігерлер наурыздың 23-і күні арнайы палатаға ауыстырған.

Әулиекөл аудандық полициясы бұл оқиға бойынша сотқа дейінгі тергеу амалдарын бастаған.

ІІМ Қылмыстық-атқару комитеті сотталғандарды ұстауға арналған колониядағы төтенше оқиғаға байланысты қызметтік тексеру жүріп жатқаны туралы хабарлаған.

Пікіріңіз

Оқырман пікірлері

XS
SM
MD
LG