26 наурызда Алматыдан жер дүмпуі сезілді. Қазақстан білім және ғылым министрлігі сейсмологиялық тәжірибе-әдістемелік орталығы жер сілкінісі 3-4 балл болғанын хабарлады.
Еуропа-Жерорта теңізі сейсмологиялық орталығының хабарлауынша, 4,7 магнитудалы жер сілкінісінің эпицентрі Алматыдан солтүстік-шығысқа қарай 68 шақырымда тіркелген. Дүмпу жер қабатының 8 километр тереңдігінде болған.
Жер сілкінісін Алматы тұрғындары сезген. Олар жер сілкінісі туралы әлеуметтік желіге жазып жатыр. Зардап шеккендер туралы хабар жоқ.