Accessibility links

Шымкентте 39 адам уланып, ауруханаға түсті


Көрнекі сурет.

Шымкенттегі Оңтүстік Қазақстан облыстық жұқпалы аурулар ауруханасына 39 адам уланып түсті деп хабарлайды Азаттыққа облыстық денсаулық сақтау басқармасының баспасөз хатшысы Мира Сүлеева.

Мира Сүлееваның айтуынша, 29 наурыз күні ауруханаға үш бала уланып түскен. 29 наурыздан 30 наурызға қараған түні жаппай уланған науқастар саны 23-ке жетті. Тағы 16 адам бүгін күндіз түскен. Уланғандардың жас шамасы 5-18 жас аралығында. Ауруханаға түскендердің 13-і - бала. Аурухана басшылығы жаппай улану дерегіне байланысты санитарлық эпидемиологиялық станцияға шұғыл хат жолдады.

- Арнайы комиссия құрылды. Уланғандардың төртеуі жан сақтау бөлімінде жатыр. Улану дерегі әлі де түсіп жатыр. Науқастардың жағдайы орташа деңгейде, - деді баспасөз хатшысы.

Мира Сүлеева науқастардың барлығы қаладағы дүңгіршектердің бірінен балмұздақ жегенін айтқанын, сараптама қорытындысы төрт тәулікте дайын болатынын айтады.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

XS
SM
MD
LG