Қазақстан Орталық сайлау комиссиясы (ОСК) Әзербайжандағы президент сайлауына 49 бақылаушы жіберетінін хабарлады.
ОСК баспасөз қызметінің хабарлауынша, комиссия 3 сәуірде жиын өткізіп, Әзербайжандағы сайлауды бақылауға баратын 49 адамның тізімін бекіткен.
49 адамның 35-і ТМД бақылаушылар миссиясы құрамында, 10-ы ЕҚЫҰ-ның Демократиялық институттар және адам құқығы бюросы құрамында бақылау жасайды.
Әзербайжанда президент сайлауы мерзімінен бұрын - 11 сәуірге белгіленген.
Әзербайжан Конституциясы 2016 жылы қыркүйекте өткен даулы референдум бойынша өзгертіліп, іс басындағы президент Ильхам Әлиев мерзімінен бұрын сайлау белгілеу құқығына ие болған.
