Accessibility links

Дәрігерлер: Ақтөбеде автобусқа шабуылдан жараланған адамның жағдайы ауыр


Шағын автобус (Көрнекі сурет).

Ақтөбе облысында өткен аптада шағын автобуста оқ атылған оқиғада жараланған Ресей азаматының халін дәрігерлер "ауыр, бірақ тұрақты" деп бағалап отыр.

"Ол жансақтау бөлімінде жатыр, есін біледі. Травматикалық шок жағдайынан шықты. Науқастың көкірегінің оң жақ тұсына бытыра тиіп, төртінші және бесінші қабырғасын зақымдаған, көкірек қуысына ауа және қан жиналған. Сүйегі, иығы мен білегін оқ тесіп өткен. Екінші, үшінші дәрежедегі травматикалық шок алған. Көп мөлшерде қан жоғалтқан. Жалпы жағдайы ауыр, тұрақты" деді аурухана бас дәрігерінің орынбасары Гүлмира Гүлжанова.


6 сәуірге қараған түні Ақтөбе облысында белгісіз адамдар күре жол бойында тұрған, Ресейден Қырғызстанға бара жатқан қырғызстандық нөмірдегі микроавтобусқа шабуыл жасап, автобустан ақша мен әшекей бұйымдарын ұрлап алып кеткен. Шабуылдан автобус жолаушысы жараланғаны, жүргізушінің оқиға орнында болмағаны хабарланған. Ақтөбе облыстық ішкі істер департаменті қарақшылық шабуыл фактісі бойынша тегеу жүргізіліп жатқанын хабарлаған. Облыс прокуратурасы тергеуді бақылауға алғанын мәлімдеген.

Ақтөбе облысы аумағы арқылы күн сайына жүздеген транзиттік автобус пен көлік жүреді.

AzattyqTV

AzatNews 14.12.2018
please wait
Embed

No media source currently available

0:00 0:14:50 0:00

Фотогалерея

XS
SM
MD
LG