Accessibility links

БҚО дін істер басқармасының экс-басшысы жазаланды


БҚО дін істері басқармасының бұрынғы жетекшісі Саялбек Ғиззатов
БҚО дін істері басқармасының бұрынғы жетекшісі Саялбек Ғиззатов

Батыс Қазақстан облысы дін істері басқармасының бұрынғы жетекшісі Саялбек Ғиззатов пара беруге итермелегені үшін жазаланды.

Сот құжаттарындағы мәлімет бойынша, Ғиззатов дін мәселелерін зерттеу орталығының жетекшісі Азамат Әбдрахмановты Мемлекеттік аудит департаменті БҚО бойынша бөлімінің жетекшісі Кенжеаным Ермекқалиеваға 200 мың теңге пара беруге үгіттеген.

Ермекқалиева экстремизммен күреске бөлінген бюджет қаржысын тексергенде заң бұзушылықтарды анықтаған. Соттың дерегінше, Ғиззатов "заң бұзушылықтарды аудиторлық актіде" көрсетпеу үшін пара бермек болған. Ермекқалиева пара алып жатқан жерінде ұсталған.

Ермекқалиеваға 12 миллион, Ғиззатовқа 6 миллион теңге айыппұл салынды. Сот шешімімен екеуі де өмір бойы мемлекеттік қызметке жұмыс істей алмайды.

  • 16x9 Image

    Санат ОРЫН ӘЛИ

    Санат 2014 жылы қарашада Азаттықтың Батыс Қазақстандағы тілшісі ретінде қызметке кірісті. 2005 жылы Батыс Қазақстан мемлекеттік университетінің филология факультетін бітірген. Қызмет жолын "Уральская газета" басылымында бастаған. 2006-2014 жылдары Алматы мен Астанадағы түрлі БАҚ-тарда жарияланып тұрған.

XS
SM
MD
LG