Accessibility links

Армения қорғаныс министрлігі шеруге қосылған әскерилерді айыптады


Серж Саргсянның биліктен кетуін талап етіп көшеге шыққан әскерилер мен халық. Ереван, 23 сәуір, 2018 жыл

Азаттықтың Армян қызметінің хабарлауынша, Арменияның қорғаныс министрлігі "23 сәуір күні Ереванда өткен шеруге қатысқан бітімгерлік бригадасының әскерилерін қатаң айыптайтыны туралы" ақпарат таратты.

Қорғаныс министрлігінің мәлімдемесіне сәйкес әскерилердің шеруге шығуы ел конституциясына, әскери борыш өтеуге қатысты заңдар мен әскери жарлыққа қайшы келеді.

"Әскерилердің әрекеті әскери бөлімшеде болу тәртібін бұзудан басқа өз еріктерімен бөлімшеден кетіп қалу арқылы міндеттерін өтеуден бас тарту болып саналады. Бұл жайында заңдық тұрғыда қажетті құзырлы органдарға хабарланды. Шеруге қатысқан әскерилер қорғаныс күштерінің саяси процестерге араласпауы қажеттігін ескермей, демократияның негізгі принципін де бұзып отыр. Бұл мәселе шараны ұйымдастырушыларды да ойландыруы керек" деп жазылған хабараламада.

Дүйсенбі күні Ереван көшелеріндегі демонстранттарға екі жүзге жуық әскери киімдегі жауынгер қосылған. Олардың қатарында қолына Армения туын ұстаған егде жастағы офицер де болды.

Оппозициялық депутат Никол Пашинян басқарған наразылық шарасы он бір күнге созылды. Ереван көшелеріне шыққан ондаған мың адам бұрынғы президент, жуырда премьер-министр болып сайланған Серж Саргсянның билікке оралуына қарсы болған. 23 сәуірдеде Саргсян отставкаға кетті.

Көре отырыңыз: Ереван көшелеріндегі оппозиция жеңісін тойлау

Саргсян кетіп, Пашинян босаған күн
please wait

No media source currently available

0:00 0:01:29 0:00

  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

AzattyqTV

Минскіде "Шығыс Еуропа: баршаның қауіпсіздігі жолында" форумы өтеді
please wait

No media source currently available

0:00 0:02:39 0:00

Фотогалерея

XS
SM
MD
LG