Accessibility links

Әсет Матаевты қоныс-колонияға ауыстырады


Әсет Матаев, КазТАГ ақпарат агенттігінің директоры. Алматы, 22 ақпан 2016 жыл

Талдықорғандағы Алматы облыстық соты КазТАГ ақпарат агенттігінің басшысы Әсет Матаевты тұрғылықты жері бойынша қауіпсіз мекемеге (қоныс-колония) көшіру туралы қаулы шығарды деп хабарлады КазТАГ.

Осы қаулы арқылы Алматы облыстық соты өткен айда 33 жастағы Әсет Матаевтың жазасын жеңілдетуге қатысты өтінішін қанағаттандырмаған Қапшағай қаласы сотының шешімін өзгертті. Облыстық сот Әсет Матаевтың тәртіп бұзушылық жасамағанын, бірқатар мадақтаулар мен алғысы барын қаперге алғаны айтылады.

2016 жылдың қазан айында Астана соты Әсет Матаевты "қаржы жымқырды" деген айыппен 5 жылға бас бостандығынан айырған. Ал оның әкесі Қазақстан журналистер одағының төрағасы Сейітқазы Матаевты сот "қаржы жымқыру" және "салық төлеуден жалтару" айыптары бойынша 6 жылға соттаған.

Сейітқазы және Әсет Матаевтар 2006 жылдың ақпан айында ұсталып, кейін үй қамаққа алынды. Астанада "жемқорлық айыбы" бойынша сот отырысы 23 тамызда басталған. Матаевтар өздеріне тағылған айыппен келіспейді.

2017 жылдың көктемінде Сейітқазы Матаев рақымшылыққа ілініп, жаза мерізімі қысқартылған. 2017 жылдың аяғында 63 жастағы Сейітқазы Матаев түрмеден мерізімінен бұрын босап шыққан.

  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

Пікіріңіз

Оқырман пікірлері

AzattyqTV

AzatNews 22.05.2018
please wait
Embed

No media source currently available

0:00 0:15:35 0:00

Фотогалерея

XS
SM
MD
LG