Accessibility links

Алматыда алғашқы ЛГБТ-поэзия жинағы жарық көрді


“Под одной обложкой” атты тұңғыш квир-поэзия жинағының тұсаукесеріне келген жастар. 26 сәуір 2018 жыл.

26 сәуірде Алматыда “Под одной обложкой” атты тұңғыш квир-поэзия жинағы таныстырылды. Жинаққа әртүрлі елден 21 ақынның шығармалары енген. Авторлардың арасында жеті қазақстандық бар.

- Жобаның мақсаты – қазір қалыптасып келе жатқан жаңа тілді көрсету. Квир – бұл ЛГБТ қозғалысының бір бөлігі. Әртүрлі жағдайды басынан өткізген адамдар өздерінің өмірлік жағдайларымен, толғаныстарымен бөліседі. Оның барлығы поэзия арқылы жеткізіледі. Себебі, тек өнер және қазіргі әдебиет арқылы тіл қатып, сол арқылы өзіміз туралы қоғамға айта аламыз, - дейді жобаны ұйымдастырушылардың бірі суретші, ақын, феминист Мария Вильковиская Азаттыққа.

Оқи отырыңыз: "Тестостерон" спектаклінің қос көрсетілімі

Кітаптың тұсаукесерінде өлеңдер оқылып, қатысушыларға кітаптар таратылды. Шараға негізінен жастар көп жиналды

Жобаны қазақстандық феминистік “Феминита” бастама тобы және "Крель" мәдени орталығы ұйымдастырған. Жобаны халықаралық адам құқықтары жөніндегі Хельсинкі комитеті қолдаған. Кәмелетке толған оқырмандарға арналған жинақ 500 данамен шыққан.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

Пікіріңіз

Оқырман пікірлері

XS
SM
MD
LG