Accessibility links

СІМ: Мәскеудегі қазақстандық студент қазасы тергеліп жатыр


Ресей Тергеу комитеті (Көрнекі сурет).

Қазақстан Сыртқы істер министрлігі (СІМ) Мәскеуде университет ғимараты терезесінен құлаған қазақстандық студент Томирис Байсафаның ісі бойынша қазір тергеуден толық хабардар емес деп хабарлады Tengrinews.kz сайты. СІМ баспасөз хатшысы Әнуар Жайнақовтың айтуынша, тергеу әлі жүріп жатыр, әзірге ешнәрсе белгілі емес. Жайнақовтың сөзінше, қыздың ата-анасы Мәскеуге барған және олардың қасында қазақстандық дипломаттар бар.

21 жастағы Томирис Байсафа бүгін таңертең Склифосовский атындағы Мәскеу қалалық жедел жәрдем ғылыми-зерттеу институтында көз жұмды. Бұл жерге ол 13 сәуір күні оқу ғимаратының төртінші қабатындағы терезесінен құлаған соң жеткізілген.

Ресей Тергеу комитеті бұл оқиға бойынша "өзін-өзі өлтіруге дейін жеткізу" бабы бойынша қылмыстық іс қозғады. Кейбір ақпараттарға қарағанда, тергеушілер бұл іс аясында Дағыстанның бұрынғы басшысының 22 жастағы ұлы Муртузали Меджидовті тергеген. Куәгерлердің сөзінше, Меджидов оқиға болғанға дейін аудиторияда Томирис Байсафамен бірге болған.

Әнуар Жайнақов қазақстандық дипломаттар Томирис Байсафаның мәйітін Қазақстанға жеткізуді ұйымдастырып жатқанын айтады.


Пікіріңіз

Оқырман пікірлері

AzattyqTV

AzatNews 22.05.2018
please wait
Embed

No media source currently available

0:00 0:15:35 0:00

Фотогалерея

XS
SM
MD
LG