Пхеньян Солтүстік және Оңтүстік Корея арасында қатынайтын ұшақ рейсін ашуды ұсынды. Бұл туралы Оңтүстік Корея билігі хабарлады.
Жуырда өткен саммит кезінде Солтүстік Корея жетекшісі Ким Чен Ын мен Оңтүстік Корея президенті Мун Чжэ Ин екі ел арасында әуежолын да ашуға келіскен.
Осы аптада БҰҰ-ға қарасты авиациялық агенттіктерінің басшылары Солтүстік Кореяға барып, жаңа әуежол ашуға қатысты Пхеньянның ұсынысын талқылайтынын мәлімдеді.
Ал Жапонияның NHK телеарнасы 7 мамырда Пекинге БҰҰ-ның екі жоғары лауазымды шенеунігі келіп, олардың Пхеньянға ұшып кеткенін хабарлады.
Былтыр қазан айында БҰҰ баллистикалық зымыран ұшырғаны үшін Солтүстік Кореяны халықаралық азаматтық авиацияға қауіп төндірді деп айыптаған.
