Accessibility links

Назарбаев Алматыда Жеңіс күніне арналған шараға қатысты


Қазақстан президенті Нұрсұлтан Назарбаев Алматыдағы Жеңіс күніне арналған мерекелік шарада тұр. 9 мамыр 2018 жыл.

Бүгін Алматыдағы 28 панифловшы жауынгер атындағы саябақта екінші дүниежүзілік соғыс құрбандарын еске алу шарасы өтті. Саябақтағы мәңгілік алауға гүл қою рәсіміне Қазақстан президенті Нұрсұлтан Назарбаев, соғысқа қатысушылар мен тылдағы еңбек ардагерлері және өзге көпшілік жұрт қатысты.


Саябақтағы шарада сөйлеген сөзінде Назарбаев қазақстандықтарды Жеңіс мерекесімен құттықтады. Ол соғысқа Қазақстаннан аттанған 1,8 миллион адамның жартысына жуығы оралмағанын, қазақстандықтардың майдандағы ерлігі дүйім жұртқа әйгілі екенін айтты. Президент қазіргі тәуелсіз елдің азаматтары ата-баба ерлігін қастерлеуі тиіс екенін еске салды.

"Біз тәуелсіз мемлекет құрып жатқан, төңірегімен достық қатынастағы, ішкі жағдайы тұрақты, тату бейбіт елміз. Бұл болашақтағы барлық жетістіктеріміздің де кепілі деп білемін. Біз бейбіт ел болсақ та, өткен соғысты ұмытқан жоқпыз, сондықтан қорғанысқа әзір болуға тырысамыз", - деп мәлімдеген ол.

Қазақстан президент соғыс ардагерлерін Жеңіс мейрамымен құттықтап, оларға мықты денсаулық тіледі.

Жеңіс мерекесіне байланысты еске алу шарасы бүгін Астана қаласында да өтті. "Отан қорғаушылар" монументіне гүл қою шарасына үкімет жетекшісі Бақытжан Сағынтаев, парламент Сенаты мен Мәжілісінің төрағалары Қасым-Жомарт Тоқаев пен Нұрлан Нығматулин және өзге де билік өкілдері қатысты.

Пікіріңіз

Оқырман пікірлері

AzattyqTV

Минскіде "Шығыс Еуропа: баршаның қауіпсіздігі жолында" форумы өтеді
please wait

No media source currently available

0:00 0:02:39 0:00

Фотогалерея

XS
SM
MD
LG