Accessibility links

Режиссер Люк Бессонды "зорлық жасады" деп айыптады


Француз режиссері әрі продюсер Люк Бессон.

Францияда белгілі режиссер және продюсер Люк Бессонға қатысты тергеу басталған. 27 жастағы актриса режиссерді "зорлық жасады" деп айыптаған.

Француздың Agence France-Presse (AFP) жаңалықтар агенттігінің дерегінше, аты-жөні аталмаған әйел полицияға бейсенбінің кешінде Париждегі қонақүйлердің бірінде болғанын хабарлаған. Оның мәлімдеуінше, шай ішкеннен кейін кенеттен өзін жайсыз сезінген және есінен танып қалған. Ол кейін өз-өзіне келген кезде "зорлық құрбаны" болғанын түсінгенін, ал бұл кезде Бессонның бөлмеден шығып кеткенін айтқан.


Режиссердің адвокаты Бессонның бұл айыптауларды үзілді-кесілді жоққа шығаратыны туралы мәлімдеген. Адвокаттың сөзінше, Бессон өзін "зорлады" деп айыптаған әйелді таниды, бірақ "ешқашан ол адамға қатысты әлгіндей іс-әрекетке барған емес". Люк Бессонның қазір шетелде екені және әзірше оны жауап алуға шақырмағаны туралы хабарланды.

59 жастағы Люк Бессон – "Жер асты", "Никита", "Леон", "Бесінші элемент" тәрізді көпке белгілі фильмдердің режиссері. Сонымен бірге ол белсенді продюсер ретінде де танымал.

AzattyqTV

Қырым жағалауында екі танкер өртенді
please wait

No media source currently available

0:00 0:00:20 0:00
Керчь бұғазы

Екі кемедегі өрт

XS
SM
MD
LG