Accessibility links

ІІМ: Ақтөбедегі наразы саудагерлерге орын беріледі


Ақтөбенің орталық базарындағы наразылық. 25 мамыр 2018 жыл.

Қазақстан ішкі істер министрінің орынбасары Юрий Ильин Ақтөбеде наразылық танытқан саудагерлерге басқа жақтан қосымша сауда орындары берілетінін мәлімдеді деп хабарлады жергілікті агенттіктер.

Астанада брифинг өткізген Ильин қала орталығындағы базар басшылығы барынша пайда табу мақсатымен эвакуация кезінде шығатын орындарға саудагерлерді орналастырып, өрт қауіпсіздігі ережесін бұзғанын айтты.

"Біз аталған нысанды тексеріп, шаруашылық субъектісіне кемшілікті жою туралы ескерту жасадық. Саудагерлердің наразылық танытуына олардың біразының эвакуация кезіде шығатын жолдарға орналастырылуы басты себеп болған. Бұл базар әкімшілігі барынша көп пайда табу үшін эвакуация жолдарын бекітіп, адамдарды орналастырғанын, онысы үшін ақша алып келгенін көрсетеді. Ол өрт қауіпсіздігі ережесіне қайшы келеді" деді Юрий Ильин.

25 мамыр күні Ақтөбедегі орталық базардың ондаған сатушысы наразылық білдіріп, сол маңдағы автокөлік жолдарын жауып тастаған. Саудагерлер базар басшылығының "үш тәулік ішінде орынды босату" туралы талабымен келіспейді.

Оқи отырыңыз: Базардағы наразылық әкімдіктегі даумен жалғасты

Сол күні қала әкімдігінде кәсіпкерлермен өткен талқылау барысында орталық базар басшысы Еламан Итеғұлов "өрт қауіпсіздігі ережесі бұзылғанын" жоққа шығарған. Оның айтуынша, саудагерлер өрт техникасы жүретін жолдар мен өрт жағдайында халықты эвакуация жасайтын жолдардың бойында 10-15 жылдан бері сауда жасап тұр. "Осыған дейін ешқандай проблема туындаған емес" деген базар басшысы.

ПІКІРЛЕР

AzattyqTV

Көшпенділер ойынына асық шабандоз қыз
please wait

No media source currently available

0:00 0:01:51 0:00
XS
SM
MD
LG