Accessibility links

Қазақстанда ҰБТ басталды


Астанадағы Сәкен Сейфуллин атындағы агро-техникалық университетте ҰБТ тапсырып отырған түлектер. Астана, 20 маусым 2018 жыл.

Қазақстанда 20 маусымда мектеп түлектерінің жоғары оқу орнына түсу емтиханы - Ұлттық бірыңғай тест (ҰБТ) тапсыру басталды. Білім және ғылым министрлігінің мәліметінше, ҰБТ биыл 20 маусым мен 1 шілде аралығында 167 пунктте өтеді.

Астанада Сәкен Сейфуллин атындағы агро-техникалық университетте тест тапсыратын түлектерге келген білім және ғылым министрі Ерлан Сағадиев биыл мектеп бітірген 147 мың 23 түлектің 102 мың 447-сі (70 пайыз) ҰБТ тапсыруға өтініш білдіргенін айтты. Оның сөзінше, бұл - рекордтық көрсеткіш. Биыл 46 түлек ҰБТ-ны ағылшын тілінде тапсырмақ.

Білім және ғылым министрі Ерлан Сағадиев журналистерге ҰБТ-ға қатысты комментарий беріп тұр. Астана, 20 маусым 2018 жыл.
Білім және ғылым министрі Ерлан Сағадиев журналистерге ҰБТ-ға қатысты комментарий беріп тұр. Астана, 20 маусым 2018 жыл.

Министрмен бірге келген Ұлттық тест орталығының басшысы Рамазан Әлімқұлов биыл ҰБТ-дан ең көп балл жинаған алғашқы түлекке iPhone сыйға берілетінін айтты.

Былтырдан бастап түлектер әуелі мектепте аттестат алу үшін бес пән - міндетті төрт пән және өзі таңдаған бір пән бойынша емтихан тапсыратын болған. Бұл емтихандар 29 мамыр мен 9 маусым аралығында өтті. Түлектер ҰБТ-ны бес пән - үш міндетті және екі салалық пән бойынша тапсырады.

Тест тапсыратын пункттерде жедел жәрдем, өрт сөндіру қызметтері мен полиция кезекшілік атқарып жатыр.


ПІКІРЛЕР

AzattyqTV

"Негативті емес, позитивті түсіріңдер"
please wait

No media source currently available

0:00 0:03:41 0:00
XS
SM
MD
LG