Accessibility links

Шымкентте көші-қон қызметін көрсету орталығы ашылды


Шымкенттегі көші-қон қызметтерін көрсету орталығының ашылуына келген билік өкілдері. Шымкент, 22 маусым 2018 жыл (Сурет Түркістан облыстық ішкі істер департаментінің Facebook-тегі ресми парақшасынан алынды).

Маусымның 22-і күні Шымкентте көші-қон қызметтерін көрсету орталығы ашылды деп xабарлайды Азаттық тілшісі.

Қызмет көрсету орталығының ашылу рәсіміне Түркістан облысының әкімі Жансейіт Түймебаев, облыстық ішкі істер департаментінің басшысы Қайрат Дәлбеков қатысты.

Облыстық Ішкі істер департаментінің баспасөз xатшысы Салтанат Қаракөзованың айтуынша, орталық адамдардың уақытын үнемдеп, уақытша тіркеуге келген шетелдіктерді есепке алу және жеке тұлғалардың үй шаруашылығында жұмыс істеуге келген еңбек имигранттарына рұқсат рәсімдеу жұмыстарын жүргізеді. Шетелдік еңбек иммигранттарына медицина қызметін көрсету қызметі де қарастырылған.

Ресми мәлімет бойынша, 2014-2017 жылдары облысқа келген 178 мыңнан аса шетел азаматы тіркелген. 2018 жылдың бес айында облысқа келген 32 мыңнан аса шетел азаматы тіркелген.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG