Accessibility links

Елизавета ІІ Brexit туралы заң жобасына келісті


Елизавета ІІ, Ұлыбритания патшайымы.

Ұлыбритания патшайымы Елизавета II парламент қабылдаған Еуропа Одағынан (ЕО) шығу туралы заң жобасына келісімін берді. Бұл туралы Ұлыбритания парламенті Өкілдер палатасының спикері Джон Беркоу хабарлады. Brexit-ті қолдайтын депутаттар бұл хабарды қуана қабылдады.

Патшайымның келісім беруі парламент бірнеше ай талқылаған құжаттың күшіне енгенін білдіреді. Бірақ Brexit туралы құжатта Ұлыбританияның ЕО-дан шығуының нақты шарттары көрсетілмеген. Brexit шарттары Лондон мен Брюссеь арасындағы келіссөзде талқыланады.

Заңда Ұлыбритания ЕО-дан шыққан соң 1972 жылы қабылданған ЕО-ға қосылу туралы заңның күші жойылатыны, ал ЕО заңдарының британдық заңдардан үстемдігі тоқтатылатыны айтылған.

Brexit-ке қарсылар ЕО-дан шығу мәселесі бойынша екінші рет референдум өткізбей қоймайтынын мәлімдеді. Лондонда бірер күн бұрын Brexit мәселесі бойынша қайтадан референдум өткізуді талап еткен жаппай демонстрация өткен.


ПІКІРЛЕР

XS
SM
MD
LG