Accessibility links

Шымкентте "бала зорлады" деген күдікті 2 айға қамалды


Шымкенттегі Еңбекші аудандық соты (Көрнекі сурет).

Шымкентте "11 жастағы баланы зорлады" деген күдікке ілінген 1985 жылы туған ер адам екі айға қамауға алынды. Бұл туралы шілденің 4-і күні Азаттыққа Еңбекші аудандық сотының судьясы Данияр Мадемаров xабарлады.

Судьяның айтуынша, кәмелетке толмаған балаға зорлық жасады деген күдіктінің үстінен Қылмыстық кодекстің 121-бабы 4-бөлігімен ("Сексуалдық сипаттағы зорлық-зомбылық әрекеттері") іс қозғалып, екі айға қамауға алу туралы санкция берілген. Сот жабық өткен.

Шілденің 2-сі күні Түркістан облыстық ішкі істер департаменті (ІІД) 1 шілдеде әлеуметтік желіде таралған ер адамның "кәмелетке толмаған балаға шабуылдау" видеосы бойынша сараптама тағайындалып, сотқа дейінгі тергеу амалдары басталғанын хабарлаған.

Бұдан бұрын Шымкент қалалық әкімінің баспасөз хатшысы Әйгерім Жұмағұлова Шымкентте 18-ықшам аудандағы көпқабатты тұрғын үйлердің бірінің кіреберісінде "кәмелетке толмаған балаға зорлық жасады" деген күдіктінің ұсталғанын хабарлаған еді.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG