Accessibility links

Түркістан облысында төрт ауданның шекарасы белгіленді


Түркістан облысының әкімі Жансейіт Түймебаев (оң жақта) облыстық мәслихат сессиясына қатысып отыр. Шымкент, 10 шілде 2018 жыл.

Шымкенттегі Түркістан облысының әкімдігінде облыстық мәслиxат депутаттары жаңадан құрылған Жетісай, Мақтаарал, Келес және Сарыағаш аудандарының шекарасын белгіледі деп xабарлайды Азаттық тілшісі.

Мәслихаттың кезектен тыс өткен жиырма жетінші сессиясында Түркістан облысының тексеру комиссиясының төрағасын сайлау, әдеп жөніндегі комиссия құру және төрт ауданның шекарасын белгілеу мәселелері қаралды.

Сессияда сөйлеген облыс әкімі Жансейіт Түймебаев "Сарыағаш ауданының аумағы 117 мың гектар, Келес ауданының аумағы 345 мың 120 гектар, Жетісай ауданының аумағы 104 мың 602 гектар, Мақтаарал ауданының аумағы 80 мың 767 гектар жерді құрайды" деді.


Маусымның 6-сы күні Қазақстан президенті Нұрсұлтан Назарбаев Оңтүстік Қазақстан облысының әкімшілік-аумақтық құрылысын өзгерту туралы жарлық шығарып, Келес және Жетісай аудандары қайта құрылған.

Ал маусымның 20-сы күні Қазақстан президенті Нұрсұлтан Назарбаев Оңтүстік Қазақстан облысын Түркістан облысы деп қайта құру туралы жарлық шығарған. Ол бойынша, Түркістан облысының орталығы Түркістан қаласы болды, ал халқының саны миллионға жеткен Шымкент қаласына республикалық маңызы бар қала мәртебесі берілді.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

AzattyqTV

AzatNews 14.12.2018
please wait
Embed

No media source currently available

0:00 0:14:50 0:00

Фотогалерея

XS
SM
MD
LG