Accessibility links

Петропавлда жүздеген православ крест шеруін өткізді


Петропавлдағы православтардың крест шеруіне қатысушылар. 12 шілде 2018 жыл.

Петропавлда православтар христиан әулиелері Петр мен Павел күнін атап өтіп жатыр. Осыған орай шілденің 12-сі күні қалада Петр мен Павелді еске алуға арналған крест шеруі ұйымдастырылды. Православтар таңертең Петр мен Павел соборының алдына жиналып, Коминтерн көшесінен бастап шерулетіп жүрді. Қатысушылар облыс орталығының алты көшесін жүріп өтіп, қаланы сумен аластап шықты.

Мереке күні қалаға Павлодар және Екібастұз епископы Варнава, Көкшетау және Ақмола епископы Серапион да келді.

Петр мен Павелді еске алуға арналған шара әулиелер ғибадатханасының алдында аяқталды. Ұйымдастырушылардың айтуынша, шеруге барлығы 2 мың 500-ден астам адам қатысты.

  • 16x9 Image

    Нұргүл АЛИНА

    Нұргүл Алина – Азаттықтың Петропавлдағы тілшісі. 1990 жылы туған. Солтүстік Қазақстан мемлекеттік университетін журналистика мамандығы бойынша тәмамдаған. Заң және  әлеуметтік білімдер магистрі. 

    Азаттықпен 2016 жылдан бері әріптес.

     

ПІКІРЛЕР

XS
SM
MD
LG