Ұлыбритания патшайымы екінші Елизавета жұма күні Винздор сарайында АҚШ президенті Дональд Трампты қабылдады. Трамппен бірге кездесуге АҚШ-тың бірінші ханымы Мелания Трамп та барды.
Президент Трамп британ патшайымымен алғаш рет ресми кездесіп отыр. Британ патшасы тағында отырғанына 66 жыл болған 92 жастағы екінші Елизавета Трампқа дейін АҚШ-тың 11 президентімен кездескен. Соңғы жылдары шетелге шығуды қойған патшайым жоғары мәртебелі шетелдік қонақтарды өз сарайында қабылдап жүр.
Патшайыммен кездесуден кейін АҚШ президенті мен жұбайы Шотландияға барды. Трамп шілденің 16-ы күні Хельсинкиде Ресей президенті Владимир Путинмен кездеспек.
ПІКІРЛЕР