Accessibility links

Украина Қырым бойынша БҰҰ қарауына резолюция дайындайды


Украина президенті Петр Порошенко.

Украина президенті Петр Порошенко украиндық дипломаттар Біріккен ұлттар ұйымының (БҰҰ) Бас ассемблясының қарауы үшін Қырым бойынша жаңа резолюция дайындауды жоспарлап отырғанын айтты. Бұл туралы Азаттықтың Қырым қызметі - "Крым. Реалии" хабарлады.

"Дипломаттарымызға БҰҰ-ның Бас ассамблеясының келесі сессиясына Қырымның статусына қатысты барлық өсек-аянға, спекуляцияға нүкте қою үшін жаңа резолюция дайындауды тапсырдым. Бас ассамблея осымен екі рет Украинаның позициясын, оның ішінде қырым татарларының құқығы бұзылғаны туралы резолюциямызды қолдады", - деді Порашенко ICTV арнасының "Сөз бостандығы" бағдарламасында.

Халықаралық БАҚ-тың жазуынша, жуырда өткен "Үлкен жетіліктің" саммитінде АҚШ президенті Дональд Трамп "тұрғындары орысша сөйлегендіктен, Қырым - Ресейдікі" деп мәлімдеген. Бірақ бұдан соң Ақ үй АҚШ-тың "Украинадағы Қырымды аннексиялап алу ұмтылысын мойындамайтынын" айтқан.


Хельсинкидегі оңаша кездесуден соң – 16 шілдеде Владимир Путин "Трамп Қырым аннексиясын заңсыз деп санайды" деген.

БҰҰ Бас ассамблеясының 2016 жылғы 16 қарашадағы резолюциясында "Қырым – уақытша басып алынған аумақ, ал Ресей – басып алушы мемлекет" деп жазылған.

Халықаралық ұйымдар Ресейдің Қырымды аннексиялап алуын заңсыз деп санап, Мәскеуді сөккен. Батыс елдері экономикалық санкция жариялады. Ресей "түбекті басып алмағанын, мұны тарихи әділдік орнату" деп санайтынын айтқан. Украинаның Жоғарғы Радасы "Қырым мен Севастополь - 2014 жылдың 20 ақпанынан бастап уақытша басып алынған жер" деп көрсетеді.

ПІКІРЛЕР

AzattyqTV

AzatNews 14.12.2018
please wait
Embed

No media source currently available

0:00 0:14:50 0:00

Фотогалерея

XS
SM
MD
LG