Ресей мен Украина арасында көпір салғандарға "санкция қойылады"

Еуропа одағының елшілері Керчь көпірін салған ресейлік алты ұйымды санкция қойылған компаниялар тізіміне қосу туралы шешім қабылдады. Ресейдің оңтүстігі мен Қырым түбегін байланыстыратын 19 шақырымдық Керчь көпірін салған компаниялар мен тұлғаларға енді виза берілмей, активтері бұғатталуы мүмкін.

Еуропа одағы депутаттарының пікірінше, Ресей аннексиялап алған Қырымда көпір салу Украина территориясының тұтастығына қатер төндіреді. Азат Еуропа/Азаттық радиосына анонимді сұхбат берген еуродепутаттардың сөзінше, бұл туралы ресми мәлімдеме жуырда жариялануы тиіс.

Қазіргі санкция тізімде ресейлік және украиндық 155 азамат пен 38 ұйым бар.

Украина президенті Петр Порошенко Қырымда "заңсыз көпір салуы - Кремльдің халықаралық құқықты мансұқ етуінің кезекті көрінісі" деп мәлімдеген. Көпірде төрт жолақты шоссе мен әлі салынып жатқан темір жол болады.

Фотогалерея: Путиннің Керчь көпірін ашуы

Ресей президенті Владимир Путин елдің Краснодар аймағын Қырым түбегімен жалғайтын жаңа көпірдің автокөлікке арналған бөлігін ашу рәсіміне қатысты.

Құны 3,7 миллиард доллар болатын Керчь көпірінің құрылысы 2016 жылы басталған. Оның бас мердігері – "Стройгазмонтаж" компаниясының басшысы, ресейлік миллиардер, Путиннің жақын досы деп саналатын Аркадий Ротенберг.