Accessibility links

Өзбекстан мен Қырғызстан шекараның тағы екі учаскесін нақтылады


Қырғызстанмен шекарада тұрған Өзбекстан шекарашылары (Көрнекі сурет).

Өзбекстан мен Қырғызстанның үкімет делегациялары екі ел шекарасының тағы екі учаскесін нақтылады. Өзбекстан Сыртқы істер министрлігінің (СІМ) хабарлауынша, 1-7 тамыз аралығында Ферғана қаласында екі ел үкімет делегацияларының жұмысшы тобы "өзбек-қырғыз мемлекеттік шекарасын делимитациялау және демаркациялау мәселелері бойынша" келіссөз өткізген. Келіссөзде тараптар далалы жерлердегі зерттеулер қорытындысын қарап, қалған шекара бөліктерін белгілеуді жалғастырған.

Ресми мәлімет бойынша, кездесу барысында Өзбекстанның Ферғана облысы мен Қырғызстанның Баткен облысы шегіндегі Шахимардан және Газнов екі шекара бөлігі нақтыланған. Келіссөз қорытындысында хаттама түзіліп, екі жақ Өзбекстанның Ферғана және Наманган облыстары мен Қырғызстанның Баткен және Жалал-Абад облыстары шекарасының қалған бөлігін сызу жұмыстарының мерзімін белгілеген.

2017 жылы Қырғызстан мен Өзбекстан ортақ 1378 километр шекараның 1170 километрі бойынша келісім жасасқан. Шекараның қалған 208 километрі 2017 жылдың соңына дейін нақтылануы тиіс болған еді. Бірақ делимитация және демаркация жұмыстары әзірге аяқталған жоқ.


ПІКІРЛЕР

AzattyqTV

AzatNews 14.12.2018
please wait
Embed

No media source currently available

0:00 0:14:50 0:00

Фотогалерея

XS
SM
MD
LG