Accessibility links

СІМ Каспий конвенциясының неге жарияланбағанын түсіндірді


Қазақстан Сыртқы істер министрлігінің ғимараты.

Қазақстан Сыртқы істер министрлігінің ресми өкілі Айбек Смадияров Азаттыққа Каспий теңізінің құқықтық мәртебесін анықтайтын конвенцияның жергілікті ресми сайттарға неге жарияланбағанына қатысты пікір білдірді.

- [Қазақстандық] бірде-бір сайтта жоқ. Қазақстан заңдарына сай күшіне енбеген құжаттарды жариялай алмаймыз. Келісім Қазақстан парламенті ратификациялағаннан кейін, келісімге қол қойған барлық елдер ратификациялаған соң күшіне енеді. Бұл Қазақстанның "Халықаралық шарттар" заңында көрсетілген. Келісім Қазақстан парламенті ратификациялаған соң жарияланады, - деді министрлік өкілі.

Ал 13 тамызда Ресей президентінің ресми сайты Каспий теңізінің құқықтық мәртебесін анықтайтын конвенцияны жариялады.

12 тамызда Ақтауда бес ел басшылары Каспий теңізінің құқықтық мәртебесін анықтайтын конвенцияға қол қойған. Құжат теңізбен шектеспейтін елдерге Каспийде әскер орналастыруға тыйым салады.

ПІКІРЛЕР

AzattyqTV

AzatNews 19.02.2019
please wait
Embed

No media source currently available

0:00 0:14:53 0:00
XS
SM
MD
LG