Accessibility links

Тәжікстанда тікұшақ оқиғасында бес адам қаза тапты


Ми-8 тікұшағы (Көрнекі сурет).
Ми-8 тікұшағы (Көрнекі сурет).

Тәжікстанда альпинистерді тасымалдап келе жатқан тікұшақ жайсыз қонып, бес адам қаза тапты. Тәжікстан Төтенше жағдайлар комитетінің баспасөз хатшысы Умед Юсуфи 13 тамызда тікұшақ тауда жайсыз қонғанын хабарлады. Қаза тапқандардың екеуі - экипаж мүшесі, үшеуі - ресейлік альпинист.

Төтенше оқиғадан тікұшақ ұшқышы мен 12 альпинист аман қалған. Юсуфидің сөзінше, тікұшақтың жайсыз қонуына ауа-райының қолайсыздығы себеп болуы мүмкін. Ресейдің Тәжікстандағы елшілігі әзірге альпинистерде Ресей азаматтығы бар-жоғын растамады.


Тәжікстан БАҚ-ы бұған дейін Ми-8 тікұшағы Орталық Азиядағы ең биік Исмаили Сомони шыңына шыққан Ресейдің 13 азаматы, Беларусь азаматы және испаниялық бір альпинисті алып келе жатқанда төтенше жағдай болғанын хабарлаған.

ПІКІРЛЕР

XS
SM
MD
LG