Accessibility links

Черногорияда қаза тапқан қазақстандық жерленді


Черногорияда қаза тапқан қазақстандық Таңат Смағұловтың жаназасында тұрған адамдар. Петропавл, 22 тамыз 2018 жыл.

Петропавлда 22 тамыз күні бір апта бұрын Черногорияда қаза тапқан солтүстікқазақстандық Таңат Смағұловты жерледі. Марқұмның денесі бүгін Петропавл қаласына жеткізілген.

Таңат Смағұлов 16 тамыз күні Черногорияның Ульцин қаласында суға батып кеткен. Туыстарының айтуынша, Черногорияға демалуға барған Таңат Смағұлов екі келіншек пен бір баланы құтқарып қалған, төртінші адамды құтқармақ болған кезде өзі суға батып кеткен. Сол күні қатты толқын тұрып, кесірінен 14 адам суға кеткен.

Таңат Смағұловтың денесі өзі туып-өскен Амангелді ауылына жерленді. Марқұмды ақтық сапарға шығарып салуға туған-туыстары, дос-жарандары мен ауылдастары жиналды.

Соңғы жылдары Алматы қаласында тұрып, жұмыс істеген Таңат Смағұлов 41 жасында бақилық болды. Марқұмның артында 5 жастағы қызы мен жұбайы қалды.

  • 16x9 Image

    Нұргүл АЛИНА

    Нұргүл Алина – Азаттықтың Петропавлдағы тілшісі. 1990 жылы туған. Солтүстік Қазақстан мемлекеттік университетін журналистика мамандығы бойынша тәмамдаған. Заң және  әлеуметтік білімдер магистрі. 

    Азаттықпен 2016 жылдан бері әріптес.

     

ПІКІРЛЕР

XS
SM
MD
LG