Accessibility links

"Әміре" фильмі Голливудтағы кинофестивальде бірінші орын алды


"Әміре" фильміндегі кадрлардан үзінді. Сурет актер Санжар Мәдидің Facebook-тағы парақшасынан алынған
"Әміре" фильміндегі кадрлардан үзінді. Сурет актер Санжар Мәдидің Facebook-тағы парақшасынан алынған

Қазақстандық “Әміре” көркем фильмі халықаралық Hollywood Film Festival кинофестивалінде жеңімпаз атанды. Бұл жайлы фильмдегі басты кейіпкер, әнші Әміре Қашаубаевтың рөлін ойнаған актер Санжар Мәди Facebook-тағы парақшасында хабарлады.

“Достар! Біздің “Әміре” (Paris song) фильмі Hollywood Film Festival-інде бірінші орынды иеленді және әділқазы алқасы оны жоғары бағалады” деп жазды актер.

19-20 ғасырда өмір сүрген әйгілі әнші Әміре Қашаубаев туралы фильмді "Қазақфильм" киностудиясы мәдениет және спорт министрлігінің тапсырысымен DAR play компаниясымен бірігіп түсірген.

Әміре Қашаубаев әнші ғана емес, қазақ ұлттық театр өнерінің негізін қалаушылардың бірі ретінде аты аталады. Өткен ғасырдың 30-жылдары Алашорда қайраткерлерімен байланысы үшін оны НКВД қуғындаған.

“Қыз Жібек” операсында Төлеген рөлін сомдайтын болған Қашаубаев премьераға бір күн қалғанда 1934 жылы 6 желтоқсанда Алматыдағы көшелердің бірінде өлі күйінде табылған. Бұл операда Жібектің рөлін атақты әнші Күләш Байсейітова ойнауы тиіс болған.


ПІКІРЛЕР

XS
SM
MD
LG