Accessibility links

Сағынтаев ұлттық экономика вице-министріне сөгіс жариялады


Бақытжан Сағынтаев, Қазақстан премьер-министрі.

Қазақстан премьер-министрі Бақытжан Сағынтаев қарашаның 13-і күні ұлттық экономика вице-министрі Серік Жұманғаринге монополистердің заң бұзғанына байланысты сөгіс жариялады. Сағынтаев нақты қай компаниялардың монополист екенін атаған жоқ.

Тарифтерге қатысты үкімет жиынын өткізген Сағынтаев "тарифтерді көтеріп, пайда тапқан жосықсыз монополистер мен басқарушы компаниялар дың заң бойынша жауап беруі тиіс екенін айтты. Ол Ұлттық экономика министрлігі монополистерге бюджеттен субсидия ретінде бөлінген қаржының қалай жұмсалғаны жөнінде есеп беруі қажетін айтты.

Премьер-министр бұған қоса Ұлттық экономика министрлігіне тиісті мемлекеттік органдармен бірлесіп, тұрғынүй коммуналдық шаруашылық саласына мониторинг жасау жүйесін ұсынуды тапсырды.

Сағынтаев сонымен қатар Ұлттық экономика министрлігі мен Энергетика министрлігі және облыстық әкімдіктерге көмір, газ, дәрі-дәрмек және әлеуметтік маңызы бар тауарлар бағасының негізсіз өсуіне жол бермеуге міндеттеді.

Қазақстан президенті Нұрсұлтан Назарбаев қарашаның 7-сі күні Қауіпсіздік кеңесінің жиынында табиғи монополияны реттеу, бәсекелестік пен тұтынушылар құқығын қорғау комитетінің жұмысын сынап, үкіметке жыл соңына дейін тарифтерді төмендетуді тапсырған.

Видео: Назарбаев айтқанына қарсы шықты ма?

  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

ПІКІРЛЕР

XS
SM
MD
LG