Accessibility links

Францияда наразылық акцияларынан 500 адам зардап шекті


Канн қаласындағы бензин мен дизель акцизінің қымбаттауына наразылық акциясы. Франция, 18 қараша 2018 жыл.
Канн қаласындағы бензин мен дизель акцизінің қымбаттауына наразылық акциясы. Франция, 18 қараша 2018 жыл.

Францияда 20 қарашада бензин мен дизель акцизінің бағасы қымбаттауына қарсылық акциялары жалғасты. Франция құрамына кіретін Реюньон аралында коменданттық сағат жарияланып, билік жергілікті мектептерді жапты.

Африканың Үнді мұхиты жағалауында орналасқан Реюньон аралында наразылық шырқау шегіне жетіп отыр. 19 қарашада бірнеше адам жанармай құю станциясын өртеген, төрт жандарм жараланған. Реюньон тұрғындарының жартысына жуығы кедейлік шегінде тұрады, мұндағы әр төртінші адам - жұмыссыз. 20 miniutes интернет басылымының жазуынша, аралда осыған қарамастан жеңіл көлік өте көп.

Францияның өзінде наразылық акциялары ең оқшау, жергілікті тұрғындар күнделікті көлікпен жүретін аймақтарда болып жатыр. Елдің оңтүстік-шығысындағы Савойя облысында әйел жүргізуші қымбатшылыққа наразы болып, жолды жапқан әйел мен бірнеше тұрғынды көлігімен, соққыға жыққан.

Франция прокуратурасы сонымен қатар Страсбург түбіндегі даңғылды жапқан бірнеше адамды түрмеге қамауды талап етті. DNA агенттігінің хабарлауынша, жергілікті сот олардың бірін төрт айға қамады.

Өткен аптада Францияда бензин мен дизель акцизінің бағасы қымбаттауына наразылық басталып, содан бері 500-ден астам адам зардап шеккен. Өткен сенбіде Париждің орталығында өткен митингіге 300 мыңға тарта адам жиналған. Демонстранттардың бір бөлігі Елисей сарайына кіруге ұмтылған.

Салықтың көтерілуіне қарсы франциялықтар қымбатшылық ең алдымен кедейлер мен орта тапқа қиын тиетінін айтады. Францияның көптеген аймағында қоғамдық көлік онша дамымағандықтан тұрғындар жеке көлікпен жүреді.

ПІКІРЛЕР

XS
SM
MD
LG