Маңғыстау облысында сенбі күні таңертең болған жол-көлік оқиғасы салдарынан екі адам қаза тауып, бес адам жарақат алған. Зардап шеккендердің арасында екі бала бар деп хабарлады жергілікті lada.kz сайты.
Көлік апаты желтоқсанның 8-і күні жергілікті уақыт бойынша таңертеңгі сағат 9-дың шамасында Баянды ауылының маңында болған.
- Екі әйел адам оқиға орнында мерт болған. Жарақат алған екі бала облыстық балалар ауруханасының жансақтау бөліміне жатқызылған. Зардап шеккен тағы үш адамға медициналық көмек көрсетілген, - деп хабарлаған Маңғыстау облыстық денсаулық сақтау басқармасының баспасөз хатшысы Азамат Сәрсенбаев.
Дәрігерлер ауруанаға түскен екі баланың жағдайы ауыр екенін айтады.
Полиция жол-көлік оқиғасының себебін тексеріп жатыр.
ПІКІРЛЕР